MIRËQENIA E MËSUESIT PRIORITET
Paneli i Nivelit të Lartë të Kombeve të Bashkuara për Profesionin e Mësimdhënësit sapo ka lëshuar një sërë rekomandimesh të rëndësishme për të adresuar mungesën alarmante globale të mësuesve dhe vlerën dhe respektimin e nevojave të profesionit tonë.
Rekomandimet u bëjnë thirrje qeverive të sigurojnë paga konkurruese, të drejta dhe profesionale. Ata bëjnë thirrje për punësim të sigurt, kushte të mira pune dhe ngarkesa të balancuara të punës. Ata u bëjnë thirrje qeverive të garantojnë investimet publike në arsim dhe të refuzojnë masat shtrënguese. Punësimi i pasigurt dhe përdorimi i mësuesve me kontratë dhe personelit të pakualifikuar duhet të marrë fund. Mirëqenia e mësuesit është prioritet.
Këto janë vetëm disa nga çështjet e diskutuara në panelin e nivelit të lartë të Kombeve të Bashkuara, më shumë informacion rreth panelit, mund të gjeni në:
-United Nations Secretary-General’s High-Level Panel on the Teaching Profession
Recommendations and summary of deliberations Transforming the teaching profession
SPASH, nëpërmjet pranisë së saj në Këshillin Kombëtar të Arsimit Parauniversitar dhe si anëtare e Këshillit Kombëtar të Punës do të këmbëngulë, në mënyre që MAS dhe Qeveria të ndërmarrim hapat e nevojshëm për t’ju përgjigjur thirrjes së OKB.
Për këtë do të shfrytëzohet edhe takimi i ministrave të arsimit të Evropës, që do të mbahet në Tiranë, ku do të jenë edhe drejtuesit më të lartë të Sindikatave të Arsimit të Evropës, ku ne jemi anëtare me të drejta të plota.
Ky është momenti më i mirë. Fuqia jonë e Aleancës së Sindikatave SPASH- FSASH, do të ndikojë fort, jo vetëm në zbatimin e thirrjes së OKB, për arsim cilësor dhe gjithpërfshirës, por për ta bërë profesionin e mësuesit të vlerësuar dhe të kërkuar nga të rinjtë.
Në Solidaritet,
Nevrus Kaptelli
President i SPASH
About The Author
